११ मंसिर, झापा : नेपाली कांग्रेस झापाको जारी मतगणनामा सभापति पदमा राम कट्टेलले अग्रता घट्दै गएको छन् ।
१६२६ मत गणना हुँदा सभापतिका उम्मेद्वार कट्टेलले ८९४ मत र अर्का उम्मेद्वार देउमान थेबेले ७१६ मत प्राप्त गरेका छन् ।
यसैगरी, उपसभापतिमा प्रेम सम्बाहाम्फे र केशवराज पाण्डेले अग्रता लिएका छन् । सम्बाहाम्फेले ८५६ र पाण्डेले ८०१ मत पाएका छन् ।
उपसभापतिका अरु उम्मेद्वार शमशेर गिरीले ६४१ र शेरबहादुर भट्टराईले ६९९ मत पाएका छन् ।
सचिव पदमा विश्वदीप लिङ्देन र टोमलाल राजबंशीले अग्रता जारी राखेका छन् । लिङ्देनले ९१४ र राजबंशीले ६८० मत पाएका छन् ।
सचिवका उम्मेद्वार नविन बिमलीले ७१४ र कृष्ण हुमागाईले ६२७ मत पाएका छन् ।
त्यसैगरी, सहसचिवमा पदम लिम्बु र उमाराम प्रसाईले अग्रता लिएका छन् । लिम्बुले ८८८ र प्रसाईले ७८३ मत पाएका छन् ।
अरु उम्मेद्वार कमलप्रसाद भण्डारीले ६८५ र कालेन्द्र प्रसाद राजबंशीले ६७६ मत पाएका छन् ।
निर्वाचनमा ३ हजार ३ सय ३५ जना मतदाता थिए । अहिले मत गणना जारी रहेको छ ।
