इटहरी । सुनसरीको रामधुनी नगरपालिकाका तत्कालीन उपमेयर सविनाकुमारी चौधरीसहित ९ जनाविरुद्ध विशेष अदालतमा सोमबार(आज) मुद्दा दायर भएको छ ।
अख्तियार दुरुपयोग अनुसन्धान आयोगले नापभन्दा बढी बाटो कालोपत्रे गरेको देखाएर भ्रष्ट्राचार गरेको भन्दै उनीहरुविरुद्ध अभियोग पत्र दायर गरेको हो ।
तत्कालीन प्रमुख प्रशासकीय अधिकृत ओमकारप्रसाद न्यौपाने, लेखा अधिकृत देवेन्द्रनारायण चौधरी, शव इन्जिनियर हर्षलाल चौधरी, वडा–३ का वडाध्यक्ष रामकुमार चौधरीसहितलाई प्रतिवादी बनाइएको छ ।२ लाख १२ हजार ७३ रुपैयाँ ५८ पैसा भ्रष्ट्राचार भएको अख्तियारको ठहर छ।
