५ जेठ, काँकरभिट्टा : मेचीनगरमा जारी २१ औं झापा जिल्ला स्तरीय अन्तर विद्यालय छात्र, छात्रा क्रिकेट प्रतियोगिताको आज भएको खेलमा छात्रातर्फ अरुणोदय अंग्रेजी मावि र छात्रतर्फ गंगा मेमोरियल स्कुलविजयी भएका छन् ।
मिलन क्रिकेट क्लबको आयोजनामा तुर्केनी खेलमैदानमा शुक्रबार भएको पहिलो खेलमा छात्रतर्फ तारापुञ्जलाई १२ रनले पराजित गर्दै गंगा मेमोरियल स्कूल विजयी भएको छ । टस जितेर ब्याटिङ रोज्दै तारापुञ्जगंगा मेमोरियलले ११९ रन जोडेको थियो ।
१२० रनको लक्ष्य लिएर मैदान प्रवेश गरेको तारापुञ्जले १०८ रन मात्रै जोड्न सक्यो । खेलको प्लेयर अफ द म्याच ३ विकेट लिँदै १७ रन जोड्ने विजेता टिमका प्रशान्त तामाङ घोषित भए ।
त्यस्तै आज नै भएको छात्रा तर्फको खेलमा अरुणोदय अंग्रेजी माविले गंगा मेमोरियल स्कूललाई ४३ रनले पराजित गरेको छ । टस जितेर पहिले व्याटिङ रोजेको अरुणोदय ८४ रन जोडेको थियो ।
८५ रनको तार्केट लिएर मैदान उत्रेको गंगा मेमोरियलले ४१ रन मात्रै जोड्न सक्यो । खेलको प्लेयर अफ द म्याच २६ रन जोड्दैं टिमलाई विजयी बनाउने दुर्गा राई घोषित भइन् ।
प्रतियोगितामा शनिबारको खेल तारापुञ्ज अंग्रेजी मावि र धुलाबारी मावि छात्रातर्फ खेल हुनेछ भने, छात्रतर्फ बालकल्याण मावि र धुलाबारी माविबीच हुने आयोजक मिलन क्रिकेट क्लबका अध्यक्ष बिरु श्रेष्ठले बताए ।
