२२ जेठ, मेचीनगर : झापाको मेचीनगरमा आइतबार आग्लागी हुँदा करोडौं रुपैयाँ मुल्य बराबरका धनमाल जलेर नष्ट भएको छ । मेचीनगर —१० धुलाबारी चोकको न्यू पाथीभरा भेराईटिजमा बिहान करीव पौने एघार बजेतिर विद्युत सर्ट भइ सुरु भएको आगो लागेको बताइएको छ ।
ज्योती कोइराला र निलान्चल पाण्डा ले सञ्चालन गरेको ईलोक्ट्रोनिक्स पसलमा बाल्ट्रा, यसोडा, सामसुङ कम्पनीका वासिङ मेसिन, फ्रिज, इन्डक्सन चुल्हेलगायतका सामान रहेको र उक्त पसल पुर्ण रुपमा जलेर नष्ट भएको मेची उद्योग वाणिज्य संघका अध्यक्ष ऋषिराज तिम्सिनाले जानकारी दिनुभयो ।
आगोलागीबाट १ करोड बढीको क्षति भएको प्रारम्भिक अनुमान गरिएको छ । त्यस्तै माथिल्लो तलामा रहेको सिटि डेन्टल केयरको पनि आगोका कारण करिब १० लाख बढीको सामान काम नलाग्ने भएको अनुमान गरिएको छ ।
मेचीनगर, भद्रपुर र बिर्तामोड नगरपालिकाको दमकल, प्रहरी र स्थानीय सहयोगमा ११ः३० बजे आगो पुर्ण रुपमा नियन्त्रणमा आएको थियो ।
