२६ असार, मेचीनगर : पछिल्लो २४ घण्टामा १ हजार ४३२ जना संक्रमण मुक्त भएका छन् । त्यस्तै पछिल्लो २४ घण्टामा थप २ हजार १६९ जनामा संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पीसीआर र एन्टिजेन गरी जम्मा १० हजार ४१७ जनाको कोरोना परीक्षण गर्दा २ हजार १६९ जनामा संक्रमण पुष्टि भएको हो । त्यस्तै कोरोना संक्रमणबाट २२ जनाको मृत्यु भएको छ ।
यसैगरी देशै भरी हालसम्म ६ लाख ९७ हजार २५७ जना संक्रमित भएका छन भने ६ लाख १८ हजार ३६१ जना संक्रमित निको भएका छन् । हाल सम्म कोरोनाबाट मृत्यु हुनेको संख्या ९ हजार ३६२ पुगेको स्वास्थ्य मन्त्रालयले जनाएको छ ।
