नेपाली काङ्ग्रेसका प्रवक्ता विश्वप्रकाश शर्माले ट्वीट मार्फत् प्रदेश न ५ को संसदमा नेपाली काङ्ग्रेसका तीन सांसदले गरेकाे कुर्सी तोडफोड आफ्नो पार्टीको नीति र संस्कृति विपरित भएको उल्लेख गर्नु भएको छ।
उहाँले “अरुका गल्तीमा सच्याउँदै बढ्न प्रेरीत गर्ने काङ्ग्रेस आफ्नाको छिटपुट भनेर छोप्दैन ,कठोरतापूर्वक सच्याएर बढ्ने सामर्थ्य राख्नेछौँ ” भन्दै संासदलाई पार्टीले कारबाही गर्न सक्ने संकेत दिनु भएको छ।
प्रदेश ५ को संसदमा ३ सांसदले गरेको कुर्सी तोडफोड नेपाली कांग्रेसको नीति र संस्कृति विपरीत छ !
रोस्ट्रम भांच्नेदेखि संसदीय पद्धतिनै नास्छौं भन्ने कम्युनिस्ट पार्टीहरुलाई समेत रुपान्तरण गर्ने प्रशिक्षक रहेकोे दलका सांसदलाई पार्टीको संस्कृति उलंघनको स्वायत्तता विल्कुलै दिइएको छैन l
— Bishwa Prakash शर्मा (@bishwaprakash77) October 5, 2020
हिजो प्रदेश न.५ को स्थायी राजधानीको विषयलाई लिएर प्रदेश सभामा तोडफोड भएको थियो।प्रदेशको नाम लुम्बिनी र स्थायी राजधानी दाङको भालुवाङलाई बनाउने प्रदेश सरकारको प्रस्तावको विरोध गर्दै नेपाली काङ्ग्रेसका सांसहरु बसुरुद्दिन खाँ ,अष्टभुजा पाठक र बैजनाथ कलवारले काँग्रेस नेताहरू बस्ने कुर्सी ,टेबल र माइकहरु तोडफोड गरेका थिए।
