८ मंसिर, काठमाडौँ : राष्ट्रिय परीक्षा बोर्डले शैक्षिक सत्र २०७८/०७९ मा कक्षा ११ मा भर्ना भएका विद्यार्थीका लागि रजिष्ट्रेसन आवेदन फाराम खुलाएको छ।
परीक्षा नियन्त्रकद्वारा जारी सूचनामा आगामी पुस २१ गतेसम्म आवेदन फारामबापतको रकम बुझाइ सक्नुपर्ने उल्लेख छ।
बोर्डले ४ सय फाराम शुल्क तोकेको छ। दोब्बर शुल्क तिरेर पुस मसान्तसम्म फराम बुझाउन सक्ने जनाइएको छ।
बोर्डको सम्बन्धित कार्यालयमा विद्यालयले माघ ७ भित्र बैंक भौचर र रजिष्ट्रेसन बुझाइ सक्नुपर्ने सूचनामा उल्लेख छ।
कक्षा ११ को नयाँ पाठ्यक्रमअनुसारको विषय समूह, विषय कोडअनुरुप एक समूहबाट एक विषय मात्र अध्ययन गर्ने गरी फाराम भर्ने व्यवस्था मिलाउन निर्देशन दिइएको छ ।
फारामका साथ प्रधानाध्यापकबाट प्रमाणित एसईईको ग्रेटसिटको प्रतिलिपि पनि साथै समावेश गर्नुपर्ने सूचनामा उल्लेख छ।
.jpg)
