२७ मंसिर, काठमाडौँ : कांग्रेस महाधिवेशनमा सोमबार राति साढे ८ बजेसम्ममा ३६ सय मत खसेको छ।
बिहान ११ बजेदेखि सुरू भएको मतदान रातिसम्म जारी रहने निर्वाचन समितिले जनाएको छ।
निर्वाचन समितिले राति ९ बजेसम्म मतदान हुने सूचना जारी गरेको थियो। तर, अब राति १० बजेसम्म मतदान हुने निर्वाचन समिति सदस्य तेजबहादुर रावलले बताए।
राति १० बजेसम्ममा मतदान सकिने आशा राखिएको उनले बताए। कांग्रेस महाधिवेशनमा ४ हजार ७४३ जना मतदाताले सहभागिता जनाउँदैछन्।
