विप्लवविरुद्ध ‘सर्च अपरेसन’ गर्दै प्रहरी

मिक्लाजुङ १ स्थित सरस्वती आधारभूत विद्यालयका प्रधानाध्यापक राजेन्द्र श्रेष्ठको नेत्रविक्रम चन्द ‘विप्लव’ नेतृत्वको पार्टीले हत्या गरेपछि सुरक्षा समितिले यस्तो निर्णय गरेको थियो ।

यता विप्लव समुहले भने सुराकीको आरोपमा सम्झाउन जाँदा हतियार लिएर प्रतिकार गर्न उत्रिएपछि मृत्यु भएको दावी गरेको छ ।

मिक्लाजुङ धनकुटा र पाँचथर जिल्लाको सिमानामा पर्ने मोरङको दुर्गम पहाडी क्षेत्र हो । त्यहाँबाट नजिकैको प्रहरी चौकी टाँडी पनि चार घण्टाको दूरीमा छ ।

मोरङका प्रमुख जिल्ला अधिकारी कोषहरि निरौलाका अनुसार धारिलो हतियारले घाँटी रेटेर उनको हत्या गरेको देखिएको छ ।

आजै मोरङ प्रहरीका एसपी सन्तोष खड्काको नेतृत्वमा खटिएको प्रहरीको टोलीले विप्लवका दुई जना नेतालाई हतियारसहित पक्राउ गरेको छ ।

सेक्सन कमाण्डर पेम्बा साङ्गे शेर्पा मोरङको उर्लाबारीमा बन्दोवस्तीका सामान खरिद गर्न आएका बेला  पक्राउ परेका हुन् ।