१० जेठ, धरान : धरान उपमहानगरपालिकाका नवनिर्वाचित मेयर हर्कराज राई (हर्क सम्पाङ) ले मंगलबार कार्यभार सम्हाल्नु भएको छ । आफ्ना समर्थकहरुको साथमा उपमहानगरपालिका प्रवेश गर्नु भएका उहाँलाई कर्मचारीहरुले भब्य स्वागत गरेका थिए ।
कर्मचारीको स्वागत पश्चात् कार्यकक्षमा प्रवेश गरि उहाँले कार्यभार सम्हाल्नु भएको हो ।
मेयर राईलाई उपमेयर अइन्द्रबिक्रम बेघा लगायतले स्वागत गरेका थिए ।
कार्यभार सम्हाल्नु हुँदै राईले आफ्नो पहिलो प्राथमिकता धरान नगरपालिकामा हुने भ्रष्टाचार नियन्त्रण र धरानको दिर्घकालिन समस्याका रुपमा रहेको खानेपानी समस्या सनाधान गर्ने बताउनुभयो ।
उहाँले चुनाव अगाडी गरेका आफ्नो बाचा आफूले पूरा गर्ने र धरानको विकाश र समृद्धि सबै मिलेर मात्र सम्भव हुने बताउनु भन्दै आफ्नो कार्यकालमा सबैलाई सहयोग गर्न समेत अनुरोध गर्नुभयो ।
