नेपाल कम्युनिस्ट पार्टी (नेकपा) केपी शर्मा ओली समूहले आज काठमाडौंमा ‘बृहत् कार्यकर्ता’ भेलाको आयोजना गरेको छ।
ओली समूहको काठमाडौं जिल्ला कमिटीको आयोजनामा उक्त भेला गर्न लागेको हो। शनिबार दिउँसो १ बजे नेपाल प्रज्ञा प्रतिष्ठान कमलादीमा भेला आयोजना गर्ने बताइएको छ।
भेलालाई पार्टी अध्यक्ष एवम् प्रधानमन्त्री केपी शर्मा ओली, गृह मन्त्री रामबहादुर थापा ‘बादल’, उप प्रधानमन्त्री ईश्वर पोखरेल र शिक्षामन्त्री कृष्णगोपाल श्रेष्ठले सम्बोधन गर्ने ओली समूहले जनाएको छ।
गत बुधबार मात्र ओली समूहले काठमाडौंमा सुदूरपश्चिमस्तरीय कार्यकर्ताको भेला गरेको थियो।
