Tuesday, May 11, 2021
- बिज्ञापन -
गृह मुख्य समाचारनेपालकै ठूलो सौर्य विद्युत परियोजनाको काम द्रुत गतिमा अघि बढ्दै ,आगामी पुस...

नेपालकै ठूलो सौर्य विद्युत परियोजनाको काम द्रुत गतिमा अघि बढ्दै ,आगामी पुस १५ सम्ममा उत्पादन हुने

झापा, २६ पुस । सौर्य विद्युत उत्पादन गर्ने महत्वाकांक्षी योजनासहित दुई वर्ष अघि स्थापना भएको झापा इनर्जी लिमिटेडले झापामा नेपालकै ठूलो सौर्य विद्युत परियोजनाको काम द्रुत गतिमा अघि बढाएको छ ।

दश मेगावाट सौर्य विद्युत उत्पादन गर्ने महत्वाकांक्षी योजनासहित  स्थापना भएको झापा इनर्जी लिमिटेडले सोलार प्यानल राख्नका लागि २२ बिघा जग्गा खरिद गरेको छ ।

 

झापा इनर्जी लिमिटेडको दोश्रो वार्षिक साधारण सभामा कम्पनीका अध्यक्ष एवम् निवत्र्तमान संघीय सांसद् लालबहादुर सावाले   शिवसताक्षी नगरपालिका वडा नं. ३ र ४ मा सोलार प्यानल राख्नका लागि प्रति बिगाहा रु. २० लाखका दरले जग्गा खरिद गरिएको बताउनुभयो ।

आयोजनाको कूल लागत रु. ७९ करोड रहेकोमा रु. ६० करोड बैङ्क कर्जामार्फत स्रोत व्यवस्थापन गरिने उनले जानकारी दिए । कम्पनीले रु. एक लाखदेखि माथि जतिसुकै रकम लगानी गर्न इच्छुक लगानीकर्तालाई आह्वान गरेको छ ।

‘झापालीका लागि झापालीद्वारा’ भन्ने उद्घोषका साथ स्थापना भएको झापा इनर्जीको सौर्य विद्युत उत्पादन परियोजनामा मुलुकभित्र रहेका झापाली उद्योगी व्यवसायी र विदेशमा रहेर विभिन्न उद्यम गरिरहेका झापालीहरुको उत्साहजनक लगानी रहेको कम्पनीका प्रबन्ध सञ्चालक सुभाष भट्टराईले बताउनुभयो।

उहाँका अनुसार आगामी वर्षको पुस १५ सम्ममा परीक्षण उत्पादन गर्ने लक्ष्य लिइएको छ । व्यावसायिक उत्पादन भने २०७८ पुस मसान्तसम्ममा गर्ने लक्ष्य लिइएको सञ्चालक भट्टराईले जानकारी दिनुभयो ।
यहाँबाट उत्पादित विद्युत नेपाल विद्युत प्राधिकरणलाई प्रति युनिट रु. ७.३० का दरले विक्री गर्ने कम्पनीको योजना छ ।

सम्बन्धित अन्य समाचारहरु

Leave a Reply

- बिज्ञापन -

लोकप्रिय समाचारहरु