२३ असोज, काँकरभिट्टा : प्रेस क्लब मेचीनगरमा पर्वहरुको शुभकामना साटासाट गरिएको छ । इटाभट्टास्थित क्लबको कार्यालयमा बुधबार आयोजित कार्यक्रममा क्लबका पूर्व अध्यक्ष, क्लबका पदाधिकारी तथा सदस्य, अग्रज सञ्चारकर्मी एवम् शुभेच्छुक सञ्चारकर्मीहरुले शुभकामना व्यक्त गरेका थिए ।
सोअवसरमा उपस्थित सबै सञ्चारकर्मीहरुले शुभकामना मन्तव्य राख्दै पत्रकारिताको पछिल्लो अवस्था र आवश्यकताका विषयमा बोलेका थिए ।
क्लबका अध्यक्ष डम्बर बरालको अध्यक्षतामा सम्पन्न कार्यक्रममा स्वागत क्लबका उपाध्यक्ष जीआर धिताल र संचालन सचिव देबु बानियाँले गरेका थिए ।
सोही सन्दर्भमा सञ्चारकर्मीहरुको उपस्थित आम भेलाले क्लबको आसन्न अधिवेशनलाई मध्यनजर गर्दै सदस्यता नविकरण खुलाउने सन्दर्भमा आवश्यक विमर्शसमेत गरेको थियो ।
