३ फागुन, मेचीनगर : अरुणोदय आवासीय माध्यमिक विद्यालयद्वारा आयोजित अरुणोदय म्याराथनको उपाधि अमन वाँतर र दिया वस्नेतले जितेका छन् । शनिबार बिहान ७ः३० बजेबाट सुरु भएको ८ किलोमिटर लामो म्याराथन दौंडमा अरुणोदय आवासीय मा.वि.बाट मेचीनगर ७ सतिघटा सम्म र सतिघट्टाबाट अरुणोदय मा.वि सम्म सञ्चालन भएको थियो ।
म्याराथन दौडको छात्र तर्फको दौडमा कक्षा ७ मा अध्ययनरत छात्र अमन वाँतर प्रथम, कक्षा ८ मा अध्ययनरत छात्र अर्पण राई द्वितीय र कक्षा ८ मा अध्यययनरत छात्र मन्दिप भूजेल तृतीय बन्न सफल भएका छन् ।
त्यसै गरी छात्रा तर्फ अरुणोदय आवसीय माध्यमिक विद्यालयमा कक्षा ६ मा अध्ययनरत छात्रा दिया वस्नेत प्रथम, कक्षा ६ मा अध्ययनरत छात्रा युनिका विश्वकर्मा द्वितीय र कक्षा ७ मा अध्ययतरत छात्रा प्रेक्षा तामाङ्ग तृतीय भएका छन् ।
विद्यार्थीहरुको उत्साहवर्धक सहभागिता सहित कुल २३० जना छात्र/छात्राहरुले उक्त म्याराथुन दौडमा भाग लिएको विद्यालयका खेल शिक्षक कृष्ण राजवंशीले बताउनु भयो ।
विजेताहरुलाई पुरस्कार तथा प्रमाण पत्र विद्यालयको वार्षिक खेलकुद तथा साँस्कृतिक कार्यक्रमको अवसरमा वितरण गरिने विद्यालयका प्रधानाध्यापक दुर्गाबहादुर लुइटेलले बताउनु भयो ।
