काँकरभिट्टा, २२ भदौ | नोवल कोरोना भाइरस कोभिड १९ का कारण अहिले विश्वका अधिकाँश मुलुकहरु बन्दाबन्दीको अवस्था छन् । तर यस्तो महामारीमा समेत मानव तस्करहरु भने सक्रिय भएका छन् । कोरोना भाइरसका कारण मानिस संकटमा परिरहेका बेला समेत भारतका विभिन्न स्थानमा कोरोना नरहेको तथा कोरोनाबाट सुरक्षि रहेर काममा लगाई दिने भन्दै तस्करहरुले प्रलोभनमा पारेर महिलाहरुलाई लैजाने गरेको रहस्य खुलेको छ ।
सन् २०१९ को डिसेम्बवरबाट चीनको वुहानबाट शुरु भएको नोवल कोरोना भाइरस कोभिड १९ का कारण अहिले विश्वका अधिकाँश मुलुकहरु बन्दाबन्दीको अवस्थामा छन् । यसैका कारण लाखौ मानिसको ज्यान गइसकेको छ । तर तर यस्तो महामारीमा समेत मानव तस्करहरु भने सक्रिय भएको रह्स्य खुलेको छ ।
भारतसँग सीमा जोडिएका धेरै खुला नाका अहिले सरकारले बन्द गरेको छ । यसकारण त्यस्ता नाकाबाट मानिसको आवतजावत ठप्प प्रायः छ । यस्तै बेलामा समेत मानब तस्करले पूर्वी नेपालका विभिन्न क्षेत्रलाई प्रयोग गरी आफ्नो धन्दा चलाईरहेको लामो समयदेखि मानव तथा चेलिबेटी बेचबिखन विरुद्घ काम गदैं आएको गैर सरकारी संस्था माइती नेपालका १ नम्बर प्रदेश गोविन्द घिमिरेले बताउनुभयो ।
चैत ११ गतेपछिको लकडाउन तथा सिमानाका बन्द रहेकै अवस्थामा समेत माइती नेपालको पहलमा २२ जना चेलीलाई भारतबाट उद्धार गरेर ल्याइए माइती नेपाल १ नमबर प्रादेशिक कार्यालयले जनाएको छ । भारतको मणिपुरबाट २१ र सिलिगुढीबाट एक जना गरी २३ जना महिलाको उद्धार गरि गत असार ३० गते काँकरभिट्टा हुँदै नेपाल ल्याइएकोसंयोजक घिमिरेले जानकारी दिनुभयो ।
अधिकांश किशोरीहरु बेचबिखनमा पर्ने गरेको र यो महामारीको समयमा समेत दलालले विभिन्न प्रलोभनमा पार्ने गरेको पाइएको हो । बोर्ड सिल भएपनि खुल्ला सिमानाका कारण मानव तस्करले प्रहरीको आँखा छलेर विभिन्न स्थानबाट भारत पु¥याउने गरेको संयोजक घिमिरेको भनाई छ । लकडाउनकै अवधिमा पूर्वी नाका काँकरभिट्टा आएका ९० जना महिला तथा किशोरीहरुलाई माइती नेपालले नियन्त्रणमा लिएर अभिभावकको जिम्मा लगाएको संयोक घिमिरेको भनाई छ । शंका लागे सोधखोज गर्दा मानवतस्करको चंगुलमा पर्ने गरेको पाइएकाले उनीहरुलाई सिमावर्ती क्षेत्रबाटै उद्धार गर्न सफल भएको माइती नेपाल १ नम्बर प्रदेश कार्यालयले जनाएको छ । ।
सन् २०२० को सात महिनाको अवधिमा २२ जना महिलाको उद्धार गरेको र एक जना विरुद्ध मानव बेचबिखन तथा मानव तस्कर मुद्धा दर्ता गरिएको छ भने महिला हिंसामा एउटा मुद्धा दर्ता भएको संयोजक घिमिरेले बताउनुभयो । सन् २०२० को सात महिनाको अवधिमा माइती नेपालमा ४३ जना महिला हराएको निवेदन परेको थियो । हराएका मध्ये १३ जनालाई फेला पारेर अभिभावकको जिम्मा लगाइएको छ ।
कोरोनाको संकटका कारण अहिले पनि अधिकांश स्थानमा लकडाउन तथा निषेधाज्ञा रहेकाले खोजी कार्यलाई तीब्र रुपमा अघि बढाउन नसकेको बताइएको छ । हराएको निवेदन आएको आधारमा सम्भवित क्षेत्रमा खोजी जगर्ने काम गरेपनि फिल्डमै खटिएर काम गर्ने अवस्था नरहेकाले समस्या भएको संयोजक घिमिरेको भनाई छ ।
