काँकरभिट्टा । सशस्त्र प्रहरी जवान पद खुला प्रतियोगिताको लिखित परीक्षामा नक्कली परीक्षार्थी बनेर परीक्षा दिएको अभियोगमा देशभरिका विभिन्न ठाउँबाट १४ नक्कली परीक्षार्थीलाई शनिबार दिउँसो प्रहरीले पक्राउ गरेको छ ।
नक्कली परीक्षार्थीहरु सुनसरी, जुम्ला र सुर्खेतबाट परीक्षा दिदै गर्दा पक्राउ परेका हुन् ।
उनीहरू नक्कली परीक्षार्थी बनि परीक्षामा सामेल भएको फेला परेको खबर सम्बन्धित परीक्षा केन्द्रबाट प्राप्त हुनासाथ खटिएको स्थानीय प्रहरीले सुनसरीबाट आठ जना, जुम्लाबाट दुई जना र सुर्खेतबाट चार जना गरी १४ जनालाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
सशस्त्र प्रहरी जवान पद खुल्ला प्रतियोगिताको लिखित परीक्षामा नक्कली परीक्षार्थी बनेर परीक्षा दिएको अभियोगमा सुनसरी, जुम्ला र सुर्खेतबाट १४ जनालाई शनिबार दिउँसो प्रहरीले पक्राउ गरेको छ ।
थप समाचार: https://t.co/xHRb8KLAVs
— Nepal Police (@NepalPoliceHQ) January 3, 2021
