२६ मंसिर, जाजरकोट : जाजरकोटमा आइतबार दिउँसो जीप दुर्घटना हुँदा ८ जनाको मृत्यु भएको छ ।
कर्णाली प्रदेश २००१ च ०४२९ नम्बरको जीप छेडागाड नगरपालिका वडा न ४ र ५ को बीचमा पर्ने भिरपाटीमा सडकबाट तल खस्दा ८ जनाको मृत्यु भएको स्थानीय स्वास्थ्य चौकीमा कार्यरत नगरपालिकाका अबेह जयहादुर थापाले जानकारी दिए ।
घटनास्थलमा नै रहेका थापाका अनुसार ३ जना घाइते छन्, दुर्घटनास्थलमा प्रहरी पुगेको छैन र स्थानीयबासिन्दाले उद्धारको काम गरिरहेका छन् ।
जिल्ला प्रहरी कार्यालय जाजरकोटका अनुसार मध्यपहाडी सडक खण्डमा भएको दुर्घटनाबारे थप विवरण आउँन बाँकी छ । प्रहरीको टोली घटनास्थलतर्फ गएको छ ।
दुर्घटनामा परेको जीप दैलेखबाट बिहेका लागि जाजरकोट आएको पनि थापाले बताए
