६ मंसिर, काठमाडौँ : काठमाडौं क्षेत्र नम्बर–५ मा नेपाली कांग्रेसका उमेदवार प्रदीप पौडेलको जित निश्चित भएको छ ।
उनले नेकपा (एमाले)का वरिष्ठ उपाध्यक्ष ईश्वर पोखरेललाई हराउँदै प्रतिनिधिसभामा आफ्नो स्थान पक्का गरेका हुन् ।
काठमाडौं–५ मा अब ३७७९ मत मात्र गन्न बाँकी छ । तर, पौडेलले अहिले नै ४६११ मतको अन्तरमा अग्रता कायम गरिसकेका छन् ।
अहिलेसम्म ४५ हजार ९७ मतमध्ये ४२ हजार २० मत गणना सकिइसकेको छ, जसमा पौडेलले १४ हजार ७७ मत प्राप्त गरेका छन् भने पोखरेलले ९ हजार ४६६ मत पाएका छन् ।
अघिल्लो निर्वाचनमा पोखरेल नेपाली कांग्रेसका तत्कालीन सहमहामन्त्री डा. प्रकाशशरण महतलाई पारजित गर्दै निर्वाचित भएका थिए । उनी त्यहीँबाट निर्वाचित भएर ओली सरकारमा वरिष्ठ मन्त्रीका रूपमा काम गरेका थिए ।
