११ मंसिर, झापा : नेपाली कांग्रेस झापाको जारी मतगणनामा सभापति पदमा राम कट्टेलले फराकिलो अग्रता कायमै राखेका राखेका छन् ।
१७२६ मत गणना हुँदा सभापतिका उम्मेद्वार कट्टेलले ९६६ मत र अर्का उम्मेद्वार देउमान थेबेले ८४४ मत प्राप्त गरेका छन् ।
यसैगरी, उपसभापतिमा केशवराज पाण्डे र प्रेम सम्बाहाम्फे ले अग्रता लिएका छन् । पाण्डेले ९२३ र सम्बाहाम्फेले ९१९ मत पाएका छन् ।
उपसभापतिका अरु उम्मेद्वार शेरबहादुर भट्टराईले ८११ र शमशेर गिरीले ७२० मत पाएका छन् ।
सचिव पदमा विश्वदीप लिङ्देन र नविन बिमलीले अग्रता जारी राखेका छन् । लिङ्देनले ९८३ र बिमलीले ८४२ मत पाएका छन् ।
सचिवका उम्मेद्वार टोमलाल राजबंशीले ८४० र कृष्ण हुमागाईले ७४५ मत पाएका छन् ।
त्यसैगरी, सहसचिवमा पदम लिम्बु र कालेन्द्रप्रसाद राजबंशीले अग्रता लिएका छन् । लिम्बुले ९४१ र राजबंशीले ८७९ मत पाएका छन् ।
अरु उम्मेद्वार उमाराम प्रसाईले ८५५ र कमलप्रसाद भण्डारीले ८१७ मत पाएका छन् ।
