एजेन्सी । युरो २०२० अन्तर्गत आज राति दुई वटा क्वार्टरफाइनलका खेल हुँदैछन्। राति ९:४५ बजे चेक गणतन्त्र र डेनमार्कबीच बाकुमा खेल हुनेछ।
चेकले अन्तिम १६ को खेलमा नेदरल्यान्ड्सलाई २-० ले पराजित गर्दै अन्तिम आठमा स्थान पक्का गरेको हो। डेनमार्कले भने वेल्सलाई हराउँदै क्वार्टरफाइनलमा स्थान बनाएको थियो।
दोस्रो खेलमा राति १२:४५ बजे इंग्ल्यान्ड र युक्रेनबीच प्रतिस्पर्धा हुँदैछ। युक्रेनले स्विडेनलाई हराएर अन्तिम आठमा स्थान पक्का गर्यो।
इंग्ल्यान्डले भने चिरप्रतिस्पर्धी जर्मनीलाई २-० ले पराजित गरेको थियो। यी दुई खेलको विजेताबीच सेमिफाइनलमा प्रतिस्पर्धा हुनेछ।
यसअघि शनिबार विहान इटालीले बेल्जियमलाई तथा स्पेनले स्विट्जरल्यान्डलाई हराउँदै अन्तिम चारमा स्थान पक्का गरेका थिए।
इटाली र स्पेनबीच अब सेमिफाइनलमा प्रतिस्पर्धा हुनेछ।
