📌 मुख्य बुँदाहरू:
- नेपाल प्रिमियर लिग (एनपिएल) को तेस्रो संस्करण खेल्न वेस्ट इन्डिजका चर्चित अलराउन्डर आन्द्रे रसेल नेपाल आइपुगेका छन्।
- रसेल एनपिएलको टोली विराटनगर किङ्सबाट मैदानमा उत्रनेछन् र उनलाई त्रिभुवन अन्तर्राष्ट्रिय विमानस्थलमा भव्य स्वागत गरिएको थियो।
- स्वागतका क्रममा उनलाई नेपाली पहिचान झल्किने ढाका टोपी लगाइदिएको विराटनगर किङ्सले जनाएको छ।
नेपाल प्रिमियर लिग (एनपिएल) को तेस्रो संस्करणमा प्रतिस्पर्धा गर्न वेस्ट इन्डिजका चर्चित अलराउन्डर आन्द्रे रसेल नेपाल आइपुगेका छन्। एनपिएलको टोली विराटनगर किङ्सबाट खेल्ने पक्का भएपछि उनी त्रिभुवन अन्तर्राष्ट्रिय विमानस्थलमा अवतरण गरेका हुन्।
विमानस्थलमा ओर्िएलगत्तै विराटनगर किङ्सका अफिसियल तथा व्यवस्थापन टिमले उनलाई औपचारिक रूपमा स्वागत गरेका थिए। सोही क्रममा उनलाई नेपाली पहिचान झल्किने ढाका टोपीसमेत लगाइदिएर सम्मानित गरिएको थियो। ‘द किङ ह्याज ल्यान्डेड इन नेपाल’ भन्दै सामाजिक सञ्जालमार्फत रसेलको आगमनले टोलीमा नयाँ अध्याय सुरु भएको विराटनगर किङ्सले उल्लेख गरेको छ।
एनपिएलमा थपियो अन्तर्राष्ट्रिय आकर्षण
विश्व क्रिकेटमा आक्रामक ब्याटिङ, प्रभावशाली बलिङ र मैदानमा आफ्नो ऊर्जावान् उपस्थितिका लागि ख्याति कमाएका रसेल टी–२० क्रिकेटका विश्वचर्चित हस्ती हुन्। उनले विश्वका विभिन्न प्रतिष्ठित फ्रेन्चाइज टी–२० प्रतियोगिताहरूमा आफ्नो उत्कृष्ट प्रदर्शनमार्फत तहल्का मच्चाइसकेका छन्।
रसेल जस्ता विश्वस्तरीय खेलाडीको नेपाल आगमनले एनपिएलको गरिमा र आकर्षण थε बढ्नुका साथै विराटनगर किङ्सको टोलीलाई मैदानमा थप मजबुत बनाउने विश्वास लिइएको छ।
