मेचीनगरमा अपाङ्गता भएका व्यक्तिहरूका लागि १० प्रकारका सीपमूलक तालिम: प्रस्ताव आह्वान

मेचीनगर, झापा । मेचीनगर नगरपालिकाले अपाङ्गता रोकथाम तथा पुनःस्थापना कार्यक्रम अन्तर्गत अपाङ्गता भएका व्यक्ति र उनीहरूका परिवारका सदस्यहरूलाई स्वरोजगार बनाउने उद्देश्यले विभिन्न १० विषयमा सीपमूलक तालिम सञ्चालन गर्ने भएको छ।

कोशी प्रदेश सामाजिक विकास मन्त्रालय, मेचीनगर नगरपालिका र करुणा फाउन्डेसन नेपालको त्रिपक्षीय लागत साझेदारी तथा राष्ट्रिय अपाङ्ग महासंघको प्राविधिक सहयोगमा यो कार्यक्रम सञ्चालन हुन लागेको हो। नगरपालिकाले मंगलबार दोस्रो पटक सूचना प्रकाशित गर्दै इच्छुक तालिम प्रदायक संस्थाहरूबाट ७ दिनभित्र प्रस्ताव आह्वान गरेको छ।

तालिमका विषयहरूको विस्तृत तालिका 

तालिम सञ्चालन गर्न इच्छुक संस्था वा फर्मले भ्याट दर्ता, कर चुक्ता प्रमाणपत्र र नगरपालिकामा सूचीकृत भएको प्रमाणसहित आगामी वैशाख १ गतेभित्र छुट्टाछुट्टै प्रस्ताव पेश गर्नुपर्नेछ। यो कार्यक्रमले अपाङ्गता भएका व्यक्तिहरूलाई आर्थिक रूपमा आत्मनिर्भर बनाउन ठूलो सहयोग पुग्ने अपेक्षा गरिएको छ।