भद्रपुर। भद्रपुर नगरपालिकाले हरिबोधनी एकादशीको अवसरमा मङ्सिर ७ स्थानीय बिदा दिने भएको छ।भद्रपुर नगरपालिकाले आज एक सूचना जारी गर्दै मङ्सिर ७ गते बिहीबार सार्वजनिक बिदा दिने भएको हो।
सो सूचनामा भद्रपुर नगरपालिकामा उल्लेख्य बसोबास रहेको आदिवासी राजवंशी एवम् अन्य बहुसंख्यक समुदायले मनाउने “हरिबोधनी एकादशी “पर्वको अवसरमा मिति २०८० साल मङ्सिर ७ गते बिहीबारका दिन भद्रपुर नगरपालिकाको क्षेत्रभित्र स्थानीय बिदा दिने निर्णय गरेको नगरप्रमुख गणेश पोखरेलद्वारा हस्ताक्षरित सूचनामा उल्लेख गरिएको छ।
