८ मंसिर, धादिङ्ग : धादिङ्ग –२ बाट प्रतिनिधि सभा सदस्यमा नेपाली कांग्रेसका उम्मेदवार रामनाथ अधिकारी विजयी भएका छन् ।
वाम लोकतान्त्रिक गठबन्ध नका साझा उम्मेदवार रहेका अधिकारीले एमालेका खेमप्रसाद लोहनीलाई १० हजार ८३३ मतान्तरले पराजित गरेका हुन् ।
बिहीबार दिउँसो सम्पन्न मतगणनाको अन्तिम नतिजा अनुसार अधिकारीले ३४ हजार ७८३ मत प्राप्त गरे । उनका निकटतम प्रतिद्वन्द्वी लोहनीले २३ हजार ९५० ल्याए भने राष्ट्रिय स्वतन्त्र पार्टीकी बसुमाया तामाङले ५ हजार ५२५ मत पाइन् ।
अधिकारी नेपाली कांग्रेस धादिङका सभापति हुन् । उनको संसद प्रवश गर्ने तेस्रो प्रयास सफल भएको हो । यसअघि ०६४ र ०७० निर्वाचनमा अधिकारी पराजित भएका थिए । ०७४ मा एमालेका लोहनी यसै क्षेत्रबाट निर्वाचित भएका थिए । गठबन्धन रहेका कारण यसपालि लोहनी पराजित हुन पुगेका हुन् ।
