इटहरी । नेपाली काँग्रेस सम्बद्ध नेपाल तरुण दलका कार्यकर्ताबिच शनिबार दिउँसो इटहरी चोकमा झडप भएको छ । झडपमा कम्तिमा ६ जना घाइते भएको बताइएको छ ।
तरुण दल इटहरी समितिले मनोज लिम्बुलाई नगर उपाध्यक्षमा मनोनयन गरेको थियो । नगर अध्यक्ष विष्णु खत्रीले मनोनयन गरी जिल्ला समितिलाई पत्राचार गरेका थिए । तर लिम्बुको मनोनयन जिल्ला समितिले खारेज गरेको थियो । लिम्बु पूर्णकालिन सदस्य नभएको भन्दै जिल्ला समितिले खारेज गरेपछि विवाद चर्किएको बताइएको छ ।