क्याम्पसमा प्राध्यापन गर्ने १५ जना प्राध्यापकहरुलाई क्याम्पसको तर्फबाट क्याम्पस सञ्चालक समितिका अध्यक्ष कमला थापा क्षेत्री तथा क्याम्पस प्रमुख लक्ष्मीप्रसाद उप्रेतीले ल्यापटप हस्तान्तरण गर्नुभएको थियो ।
कोरोना महामारीको विषम परिस्थितिका कारण भौतिक कक्षाहरु सञ्चालन हुन नसकिरहेको वेला क्म्याम्पसद्वारा अनलाइनकक्षा सञ्चालनमा सहजीकरणका लागि ल्यापटप वितरणले अनलाइन कक्षा सञ्चालनमा थप सहज हुने विश्वास क्याम्पस प्रमुख उप्रेतीले व्यक्त गर्नुभयो ।
क्याम्पसलाई डिजिटलाइजेशनतर्फ अगाडि बढाउने कार्यमा ल्यापटप वितरण एक शुरुवात मात्र भएको र क्याम्पसमा प्रोजेक्टर खरिद, इ–हाँजिरीको व्यवस्था, नेटवर्क विस्तार, सिसिटिभी जडान, चेन्जिङ्ग रुम, प्राथमिक स्वास्थ्य उपाचार कक्ष, इ–लाइब्रेरीको व्यवस्था जस्ता कार्यहरु अघि बढाइएको हुँदा निकट भविष्यमा नै क्याम्पसलाई पूर्णतया डिजिटलाइज क्याम्पसको रुपमा देख्न सकिने विश्वास क्याम्पस सञ्चालक समितिका अध्यक्ष कमल थापा क्षेत्री व्यक्त गर्नुहुन्छ ।
क्याम्पसलाई यस क्षेत्रको स्मार्ट क्याम्सको रुपमा अघि बढाइएको हुँदा त्यसको लागि प्राध्यापक ज्यूहरुको लागि पनि तालिम तथा विकास कार्यक्रममा सञ्चालक समितिले जोड दिइराखेको र त्यसै अनुरुप प्राध्यापकहरुको लागि अनलाइन कक्षा सम्बन्धि तालिम तथा अभिमूखीकरण कार्यक्रम समेत सञ्चालन गरेको र यसलाई निरतरता दिने कुरा क्याम्पस सञ्चलक समितिका सदस्य दुर्गाप्रसाद सापकोटा बताउनु हुन्छ ।
आफूले ल्यापटप प्राप्त गरेपछि खुसी व्यक्त गर्दै क्याम्पसका सहायक प्राध्यापक मणीकुमार लिम्बू बताउनु हुन्छ –‘क्याम्पसले विगत एक महिना अघिबाट नै अनलाइन कक्षा शुरु गरेको र निर्वाध रुपमा पढाई भइरहेको बेला ल्यापटप प्राप्त गर्नुले हामीलाई थप उर्जा र हौंसल प्राप्त भएको छ ।’
पूर्वकै एक उत्कृष्ट नमुना शैक्षिक हबको रुपमा विकसित हुँदै गरेको काँकरभिट्टा बहुमुखी क्याम्पसले टाढा टाढाबाट आउने विद्यार्थीहरुका लागि यातायातको सुविधा समेत उपलब्ध गराएकोछ । हाल यस क्याम्पसमा ५११ जना विद्यार्थी अध्ययनरत छन् ।
