काठमाडौ । दुर्गा प्रसाई पक्षधरले काठमाडौँ गौशालामा गरेको प्रदर्शनका क्रममा हिन्दु धर्मगुरु आचार्य श्रीनिवास पक्राउ परेका छन् ।
प्रदर्शनकारीहरूले गौशाला चोकमा सडक अवरूद्ध गरेको र प्रहरीलाई लक्षित गरी ढुङ्गामुढा गरेको भन्दै प्रहरीले बल प्रयोग गरेको थियो । सो क्रममा आचार्य श्रीनिवासलाई पनि प्रहरीले नियन्त्रणमा लिएको छ ।
आचार्य श्रीनिवासमाथि सार्वजनिक शान्ति सुरक्षामा खलल पुर्याएको भन्दै मुद्दा चलाउने तयारी गरिएको हो।
यसअघि नाङ्गो खुकुरी बोकेर धार्मिक तथा साम्प्रदायिक घृणा फैलाउनुको साथै हिंसा भड्काउने अभिव्यक्ति दिएको भन्दै प्रहरीले गत असोजमा आचार्य श्रीनिवासलाई पक्राउ गरेको थियो।
