३० असार, काँकरभिट्टा : मेचीनगरका कराते खेलसँग सम्वद्ध खेलाडी तथा प्रशिक्षकहरुको धुलाबारीमा बुधाबार सम्पन्न भेलाले मेचीनगर सितोरियो कराते संघको कार्यसमिति चयन गरेको छ ।
करातेका वरिष्ठ प्रशिक्षक अर्जुन लम्सालको अध्यक्षतामा ११ सदस्यीय मेचीनगर सितोरियो कराते संघ गठन भएको हो । समितिको उपाध्यक्षमा मनबहादुर धिमाल, सचिवमा बिनोद श्रेष्ठ, सहसचिवमा मुक्तिनाथ काफ्ले र कोषाध्यक्षमा सम्झना सारु मगर चयन भएको करातेका प्रशिक्षक मिलनराज प्रसाईले जानकारी दिनुभयो ।
समितिको सदस्यहरुमा सम्भु ठाकुर, अभिशेक दवाडी, सन्तोस राई, सुनिल मेचे र राजेन्द्र कार्की रहनु भएको छ । एक जना कार्यसमिति सदस्य काँकरभिट्टा क्षेत्रबाट थप गरिने प्रसाईले जानकारी दिनुभयो । नगरसमितिका पदाधिकारी तथा सदस्यहरुलाई नगरको भुगोललाई प्रतिनिधित्व हुने गरी चयन गरिएको बताइएको छ ।
मेचीनगर खेलकुद समितिका सदस्य तथा वडा नम्बर १० खेलकुद समिति संयोजक इन्द्र आङ्दम्बेको विषेश उपस्थितिमा सम्पन्न भेलाले कालु मेचेको संयोजकत्वमा ६ सदस्यीय नगरस्तरीय सल्लाहाकार समितिसमेत चयन गरेको छ । समितिको सदस्यहरुमा मिलनराज प्रसाई, कृष्ण बस्नेत, राजु महर्जन, बद्री बिष्ट र बिष्णु श्रेष्ठ रहनु भएको छ ।
नगरस्तरीय कराते संघले मेचीनगर भित्र कराते खेलको प्रवद्र्धन गर्दै खेलसँग सम्बन्धित खेलाडी, प्रशिक्षकलगायतको संरक्षण र क्षमता विकासमा काम गर्ने समितिका अध्यक्ष लम्सालले बताउनुभयो ।
