२२ असोज,इटहरी ।विराट टेलिभिजन इटहरीको आयोजनामा आजदेखि सुनसरीको इटहरीमा प्रथम विराट मिडिया कप फुटबल प्रतियोगिता २०७८ शुरु भएको छ।
आजको पहिलो खेलमा ग्रामीण पत्रकार समूह ,बराहक्षेत्र विजयी बनेको छ । बराहक्षेत्रले विराटनगरको उद्घोष दैनिकलाई २ -० गोल अन्तरले पराजित गर्दै दोस्रो चरणमा प्रवेश गरेको छ।
खेलको दोस्रो हाफको १० र २२ औं मिनेटमा बराहक्षेत्रका जर्सी नम्बर १० का खेलाडी विजय कुमार राउतले दुई गोल गर्दै टिमलाई विजयी बनाए।
आजको खेलको म्यान अफ द म्याच बराहक्षेत्रका विजय कुमार राउत रहे। उनले नगद एक हजार प्राप्त गरे।
कार्यक्रमको उद्घाटन १ नम्बर प्रदेश प्रहरीका कार्यलय प्रमुख डिआइजी अरुण कुमार विसीले गरेका थिए ।झापा,मोरङ सुनसरीका आयोजक सहित नौ सञ्चार गृहको सहभागी रहने प्रतियोगितालाई जिल्ला फुटबल संघ ( एन्फा)सुनसरीको सहकार्य रहेको छ। सञ्चार गृहको प्रगाढ सम्बन्ध र आउँदै गरेको विजया दशमी र तिहारको शुभकामना आदान प्रदान गर्ने उदेश्यले खेल सञ्चालन गरिएको विराट मिडिया कप कमिटीका अध्यक्ष विकल पौडेलके जानकारी दिए।
भोलिको खेल सूर्योदय टेलिभिजन विर्तामोड र हिमशिखर टेलिभिजन दमक झापा बीच दिउँसो ४ बजे इटहरी रंगशालामा हुँदैछ ।
प्रतियोगिताको विजेताले नगद ३० हजार र उप विजेताले १५ हजार नगद सहित ट्रफी र मेडल प्राप्त गर्नेछन् ।फाइनल खेल असोज २६ गते सम्पन्न हुनेछ ।
