इटहरी । विराटनगर–४ एयरपोर्ट मोडमा अटो टेम्पोभित्र बेहोस अवस्थामा भेटिएका चालकको मृत्यु भएको छ ।
सडकको पश्चिमतर्फ रोकेर राखिएको को २ ह २३३३ नम्बरको अटोभित्र इटहरी–३ तालतलैयाका ३० वर्षीय विषम श्रेष्ठ सोमबार साँझ बेहोस भेटिएका थिए । सिटमा ढल्किएको अवस्थामा उनी बेहोस भेटिएपछि स्थानीय बासिन्दाले प्रहरीलाई खवर गरेका थिए ।
स्थानीयको सहयोगमा प्रहरीले श्रेष्ठलाई उपचारका लागि नोबेल अस्पताल पुर्याउनसाथ चिकित्सकले मृत घोषित गरिदिएको मोरङ प्रहरीले जनाएको छ ।
अटो श्रेष्ठको आफ्नै रहेको प्रहरीले जनाएको छ । प्रहरीका अनुसार अटोमा बोराभित्र पाँच किलोजति चिनी पनि भेटिएको छ । आधा खाएको अवस्थामा फ्रुटीको बट्टा पनि भेटिएको प्रहरीले जनाएको छ ।
घटनाका बारेमा अनुसन्धान थालिएको प्रहरीले जनाएको छ
