इटहरी । सुनसरीको कोशी गाउँपालिका–४ मा जंगली हात्तीको आक्रमणमा परी एक जनाको मृत्यु भएको छ ।
कोशी टप्पु वन्यजन्तु आरक्ष छेउ रहेको खत्वे टोलका ५५ वर्षिय रामेखङ्ग खत्वेको हात्तीले आक्रमण गर्दा घटनास्थलमै ज्यान गएको हो ।
बिहान उठेर शौचालय गएका खत्वेलाई आरक्षबाट निस्केको हात्तीले लखेटेर ज्यान लिएको हो । सुनसरी प्रहरीका अनुसार मृतकको शव पोष्टमाटमका लागि इनरूवा अस्पताल ल्याइएको छ ।
