८ जेठ, मेचीनगर : नेकपा एमाले मेचीनगर कमिटीको अध्यक्षमा राजु कार्की सर्वसम्मत चयन भएका छन् । एमाले मेचीनगर कमिटीको दोस्रो अधिवेशनले कार्कीलाई अध्यक्षमा चयन गरेको हो ।
एमालेका स्थानीय शीर्ष नेताहरुको बैठकपछि अध्यक्षका दुई जना प्रतिस्पर्धी राजु कार्की र जगन्नाथ भट्टराई मध्ये कार्कीलाई अध्यक्ष बनाउने निर्णय गरेका छन् ।
यही जेठ ५ गतेदेखि सुरु अधिवेशनले अध्यक्षमा कार्की, महिला उपसचिवमा जानुका ओली र सदस्यहरु टुंगाएको छ ।
निर्वाचन समितिले यसअघि सर्वसम्मत भएका बाहेकका उम्मेदवारहरुको आज दिउँसो ४ वजेदेखि साँझ ६ वजेसम्म दावी, विरोध र फिर्ताको समय तोकेको थियो ।
वैठकमा पार्टीका नेताहरु रविन कोइराला, मीना पोखरेल उप्रेती, विष्णु प्रसाई, श्रीप्रसाद मैनाली, गोपाल चन्द्र बुढाथोकी, देवकुमार राई, राजु पोखरेल लगायत रहेका थिए । ७५ जनाको कमिटीमा १६० जनाको उम्मेदवारी परेको थियो ।
तर, नगर कमिटीको उपाध्यक्ष, सचिव र पुरुष उपसचिवको टुंगो लाग्न बाँकी रहेको छ । श्रोतका अनुसार भोलि विहान १० वजेसम्म उपाध्यक्ष, सचिव र उपसचिवमा सर्वसम्मत नभए चुनाव हुने बताइएको छ ।
