मेचीनगर नगर प्रमुख गोपालचन्द्र बुढाथोकी, उपप्रमुख मीना पोखरेल उप्रेतीसहित झापाको मेचीनगर १० नम्वर वडाका जनप्रतिनिधिहरूलाई मेचीनगर १० खयरडाँगीमा रहेको एक धार्मिक संस्थाले सम्मान गरेको छ ।
शनिवार महाङ्कलेश्वर शिवालय एवम् पूण्यश्वरी दुर्गा मन्दिरले आफ्नो २८ ओैँ वार्षिक साधारण सभाको अवसर पारेर सम्मान गरेको हो । नगर प्रमुख र उपप्रमुखसहित वडाध्यक्ष नारायण खनाल, वडासदस्य, महिला सदस्य, दलित महिला सदस्य गरी ७ जना जनप्रतिनिधलाई एउटै मञ्चमा स्वागतसहित सम्मा गरेको संस्थाका अध्यक्ष कुमार बस्नेतले बताउनुभयो ।
अध्यक्ष बस्नेतको सभापतित्व र नगर प्रमुख बुढाथोकीको प्रमुख आतिथ्यतामा भएको कार्यक्रममा मन्दिरका सल्लाकार संयोजक नरपति पौडेलले सबैलाई सम्मान पत्र प्रदान गर्नुभएको थियो ।
सचिव केदार गौतमले सञ्चालन गर्नुभएको साधारण सभाको उद्घाटन सत्रमा अध्यक्ष बस्नेतले मन्दिर समितिकातर्फबाट अध्यक्षको प्रतिवेदन प्रस्तुत गर्नुभएको थियो । प्रतिवेदनमा विगत, वर्तमान र भावीयोजना समेटिएको छ । सीता नेपालले स्वागत गर्नुभएको कार्यक्रममा नेकपा एमाले मेचीनगर कमिटी अध्यक्ष खेमराज राजु पोखरेल, नेकपा एकीकृत समाजवादीका जिल्ला नेता विशेश्वरप्रसाद भट्टराईलगायत विभिन्न संघ संस्था, किर्तन मण्डलीका प्रमुख प्रतिनिधिहरूले बोल्नुभएको थियो ।
