१४ वैशाख, काठमाडौं : अनुचित लेनदेन (मिटरब्याज) सम्बन्धी गते चैत २० गतेको निर्णयअनुसार तीन सदस्यीय जाँचबुझ आयोगले यही वैशाख १७ गतेदेखि काम थाल्ने भएको छ ।
आयोगले प्रेस विज्ञप्ति जारी गरी धनुषाको जनकपुरमा कार्यालय स्थापना गरी काम संचालन गर्ने जनाएको हो । आयोगले प्रारम्भिक काम भने शुरु भइसकेको जनाएको छ ।
आयोगले मिटरब्याज पीडितहरुको निवेदन आह्वान गरिसकेको छ । पीडितहरुले आफ्नो भएसम्मका सबुत प्रमाणसहित भएको व्यहोरा खुलाइ अनलाइनबाट सिधै आयोगमा वा निवेदकको जिल्लामा रहेको जिल्ला प्रशासन कार्यालयमा निवेदन दिनसमेत आयोगले अनुरोध गरेको छ ।
प्रत्येक जिल्ला प्रशासन कार्यालयमा मिटरब्याज पीडित सहायता कक्ष स्थापनासमेत गरिएको छ ।
आयोगले बैशाख १७ देखि ३१ गतेसम्म १५ दिनभित्र निवेदन दिन पीडितहरुलाई अनुरोधसमेत गरेको छ ।
