भद्रपुर।जंगली हात्तीको आक्रमणबाट शुक्रबार (आज) बिहान झापाको हल्दिबारीमा एकजनाको मृत्यु भएको छ ।
बिहान ९ बजे हल्दिबारी गाउँपालिका ३ स्थित रणकाली सामुदायिक वनका चौकिदार ४० वर्षीय धनबहादुर बनको मृत्यु भएको जिल्ला प्रहरी कार्यालयले जनाएको छ ।
बिहानको समयमा सामुदायिक वन रेखदेखका लागि गएको अवस्थामा बनलाई हात्तीले आक्रमण गरेको प्रहरीको प्रारम्भिक अनुसन्धानबाट खुलेको छ ।
घटनाबारे थप अनुसन्धान भइरहेको प्रहरीले जनाएको छ ।
दुईदिन अघिमात्र इटहरीका रबिन खड्काको हात्तीले कुल्चिएर मृत्युु भएको थियो।खड्कालाईको परिवार लाई इटहरी उपमहानगरले एक लाख रुपैयाँ राहत दिएको थियो।
