मङ्गलबार, पौष २८ ,२०७७
विराटनगर । सशस्त्र प्रहरीले भारतबाट नेपालतर्फ ल्याउँदै गरेको ठूलो परिमाणमा घुँगी बरामद गरेको छ । सशस्त्र प्रहरी बोर्डर आउट पोस्ट बखरीले सोमबार ३०० केजी घुँगी बरामद गरेको हो ।
सशस्त्र प्रहरी बल बीओपी बखरीका सशस्त्र प्रहरी निरीक्षक दिलकुमार पन्तको नेतृत्वमा खटिएको टोलीले विराटनगर महानगरपालिका–१६, दरैया सीमानाकामा घुँगी बरामद गरेको हो ।
प्रहरीलाई देखेपछि बोरामा ल्याउँदै गरेको घुँगी छोडेर तस्कर फरार भएका थिए । घुँगीलाई सी फूड अन्तर्गत राखेको हुनाले यसको भन्सार दस्तुर लाग्ने गरेको छ । बरामद भएको छ बोरा घुँगी प्रहरीले खाल्डो खनेर पुरेको छ ।
